របៀបមើល ហុងស៊ុយពាក់ព័ន្ធ នឹងផ្ទះសម្បែង ដែលយើងរស់នៅ
ត្រួតពិនិត្យចំណុច៤ប្រការមុននឹងផ្លាស់ប្តូរផ្ទះឬផ្លាស់ប្តូរទៅនៅផ្ទះថ្មី ៖
By: Troll 619
date: 01.08.2017
date: 01.08.2017
លោកអ្នកដែលជាមន្ត្រីរាជការឬបុគ្គលិកសហគ្រាស ពេលខ្លះចាំបាច់ផ្លាស់ប្តូរកន្លែងធ្វើការងារជានិច្ច ឬអាចទៅតាមភារកិច្ច ឬការងារជាក់ស្តែង រួមទាំងអ្នកដែលមានផ្ទះ ឬបន្ទប់ស្នាក់នៅថ្មី ដែលអាចជាផ្ទះ ឬក៏បន្ទប់ស្នាក់នៅ ដែលអ្នកបានធ្វើជាម្ចាស់លើកដំបូងក្នុងជីវិតរបស់អ្នក ។ មានចំណុច ៤ ប្រការ ដែលត្រូវពឹងពាក់និងត្រូវគិតពិចារណាមុននឹងផ្លាស់ទៅនៅផ្ទះឬបន្ទប់ស្នាក់នៅថ្មី ៖
ប្រការទី១៖
ប្រសិនបើផ្ទះឬបន្ទប់ស្នាក់នៅថ្មី ដែលអ្នកនឹងផ្លាស់ប្តូរទៅស្នាក់នៅនោះចូរកុំចងព្យួរប៉ូវគួយតាមតែអំពើចិត្ត ទោះបីជាប៉ូវគួយមានប្រយោជន៍ច្រើន អាចជួយទប់ទល់េជាមួយនឹងអំណាចអាក្រក់និងបណ្តេញខ្មោច ព្រាយ បិសាចបានក៏ដោយ ក៏ត្រូវចងព្យួរប៉ូវគួយនៅទីតាំងណាដែលត្រឹមត្រូវ ជាពិសេសត្រូវទទួលបានការណែនាំពីគ្រូជំនាញ ហុងស៊ុយជាមុនសិន ។ ម្យ៉ាងទៀត ត្រូវដាក់វាឲ្យត្រូវតាមពេលវេលាមួយដែលល្អទៀតផង ព្រោះបើមិនដូច្នោះទេ ប្រយោជន៍ដែលរំពឹងពីប៉ូវភួយ អាចនឹងជះឥទ្ធិពលអាក្រក់ចំពោះអ្នកវិញទេ ។
ប្រការទី២៖
ដូចគ្នានេះដែរ ការចងព្យួររូបព្រះ មុននឹងចងព្យួរត្រូវឆ្លងកាត់ការបើកព្រះនេត្រ (ភ្នែក) ពីចិនសែជាមុនសិន ដែលជាអ្នកមានជំនាញច្បាស់លាស់ និង ធ្លាប់ឆ្លងកាត់ការសិក្សាមកផងដែរ ទើបអាចកើតមានផលល្អបាន ។ ប្រសិនបើអ្នកទៅរកទិញហើយយកមកព្យួរតាមចិត្ត ដោយមិនបានត្រួតពិនិត្យពីពេលវេលាដ៏ល្អទេ នោះមិនត្រឹមតែមិនបានទទួលលទ្ធផលល្អប៉ុណ្ណឹងទេថែមទាំងមានផលអវិជ្ជមានចំពោះអ្នកនៅពេលខ្លះក៏មានដែរ ។
ប្រការទី៣៖
ការចងព្យួរបន្ទះស្លាកសញ្ញាដើម្បីទប់ទល់នឹងរឿងអាក្រក់ទាំងឡាយ (មិនថាតែប៉ូវគួយទេ) កញ្ចក់ទាំងនោះត្រូវតែមានប្រហោងក្នុង ប្រសិនបើជាបញ្ចក់រាបស្មើ វាក៏នឹងមិនបង្កើតនូវលទ្ធផលអ្វីនោះដែរ ។
ទាំង ៣ ករណីខាងលើនេះប្រសិនបើផ្ទះឬបន្ទប់ស្នាក់នៅនោះមានម្ចាស់ ឬក៏មានទិញដែលមកស្នាក់នៅកាលពីមុន បានចងបន្ទះស្លាកសញ្ញាទប់ទល់នឹងរឿងអាក្រក់ផ្សេងៗមកពីមុន អ្នកគួរតែឈោងចាប់យកឳកាសដើម្បីត្រួតពិនិត្យនិងធ្វើនូវអំពើដែលត្រឹមត្រូវ ។
ប្រការទី៤៖
ការផ្លាស់ប្តូរផ្ទះឬបន្ទប់ស្នាក់នៅថ្មី ក្នុងខណៈដែលភរិយាមានគភ៌ ។ បម្រាមចំណុចនេះចាត់ទុកថាជាបម្រាមដែលមនុស្សជាច្រើនបានយល់យ៉ាងច្បាស់ ។ ហាមដូរផ្ទះនៅខណៈដែលភរិយាកំពុងតែមានគភ៌ កុំថាឡើយដូរផ្ទះ ឬ កន្លែងស្នាក់នៅ សូម្បីតែការដូរទីតាំងនៃរបស់ប្រើប្រាស់ធំៗក្នុងផ្ទះ ក៏សូមហាមជាដាច់ខាតដែរ ។ ហេតុនេះ សូមអ្នករង់ចាំដល់ភរិយាសម្រាលកូនជាមុនសិន ទើបអ្វីៗសព្វបែបយ៉ាងនឹងបានល្អប្រសើរ ។
-----> សូមចុចពីលើ LINK នេះដើម្បី ទទួលពត៌មានបន្ថែម http://pos.khbuy.org/
Comments
Post a Comment